Gozatu nahi al duzu txakolinaren zaporeaz Kantauri Itsasoko haize leuna sentitzen duzun bitartean? Hagoos-en, Zumaia eta Getariako bazterrik tipikoenak bisitatzeko aukera paregabea eskainiko dizugu Gipuzkoako itsasertzean antolatzen ditugun egun-erdiko irteeren bidez.

Hasteko, turistak Zumaiara joaten dira, eta, bereziki, Itzurun hondartzaren gaineko itsaslabarren ertzean dagoen San Telmo ermitara. Bertatik, 13 kilometroko itsaslabarrez eta Euskal Kostaldeko Geoparkearen parte diren Flysch izeneko harri-geruzen formazio ikaragarri batez osatutako kostaldearen ikuspegiaz gozatu dezake bisitariak.

Goizerdi aldera, jardunaldiak Getarian jarraituko du. Itsas tradizio handiko herri txiki bat da, eta mundu osoan ospetsuak izan diren pertsona ugari eman ditu bere historian, hala nola Cristóbal Balentziaga jostuna eta Juan Sebastián Elkano marinela.     

Portua eta herriko kale estuak bisitatu ondoren eta goizari amaiera emateko, txakolindegi baterako bisita gidatua egingo duzue, eta aperitibo gozo bat dastatu ahal izango duzue mahastien eta Kantauri Itsasoaren ikuspegiaz gozatzen duzuen bitartean.